Миланнинг «Интер» клуби Чемпионлар лигаси доирасида «Будё-Глимт»дан кутилмаган мағлубиятни қабул қилиб олди (1:3).

«Нерадзурри» плей-офф босқичининг ўтиш раунди дастлабки учрашувида Норвегияда имкониятни бой берди. Италия гранди Чемпионлар лигасининг плей-офф босқичида кетма-кет тўртта ўйинда учта ва ундан ортиқ гол ўтказиб юборган тарихдаги иккинчи жамоага айланди. Бундан олдин миланликлар финалда «ПСЖ»дан бешта гол ўтказишган, шунингдек, ўтган мавсумнинг ярим финалида «Барселона»га икки марта учтадан гол уриш имконини беришган эди. Ушбу антирекорд Леверкузеннинг «Байер» клубига тегишли — улар 2005 йилдан 2014 йилгача бўлган даврда кетма-кет бешта ўйинда шундай натижа қайд этишган.

«Интер» ва «Будё-Глимт» ўртасидаги жавоб учрашуви келаси сешанба, 24 февраль куни бўлиб ўтади.