«Ноттингем Форест» ҳимоячиси Мурилло келаётган ёзда юқорироқ даражадаги клубга ўтиши мумкин. Бразилиялик футболчининг хизматларига Лондоннинг «Челси» клуби қизиқиш билдирмоқда.

CaughtOffside нашри берган маълумотларга кўра, «Челси» Муриллони мудофаа маркази учун асосий трансфер мақсади сифатида белгилаган. «Аристократлар» ҳимоячини 80 миллион евро эвазига сотиб олишга тайёр.

Мурилло «Коринтианс»дан ўтганидан сўнг, 2024 йилдан бери АПЛда тўп суриб келмоқда. Англия чемпионатининг жорий мавсумида ҳимоячи 15 та ўйинда майдонга тушиб, 1 та гол уришга муваффақ бўлди.