«Реал» «Тоттенхэм»нинг хорватиялик ҳимоячиси Лука Вушковични ўз сафига қўшиб олмоқчи.

Ҳозирда футболчи ижара асосида «Гамбург» шарафини ҳимоя қилмоқда. Мадридликлар ҳимоя чизиғини элита даражасидаги иқтидорлар билан ёшартиришни мақсад қилган. Флорентино Перес жамоада соғлом рақобатни юзага келтириш ниятида. Бу ерда асосий ғоя — Вушковичнинг нархи янада кўтарилиб кетмасдан туриб, бу трансферни амалга ошириш ҳисобланади.

Бироқ, «Тоттенхэм» ҳимоячининг кетишига осонликча йўл қўймоқчи эмас. Лондонликлар ўз қўлларида қандай улкан потенциал мавжудлигини яхши билишади ва сотув вариантини фақат жуда юқори суммадаги таклиф тушсагина кўриб чиқишлари мумкин. Шунингдек, Лука Вушкович хизматларига «Барселона» ҳам қизиқиш билдирмоқда.