Аввалроқ «Бавария» Леон Горетцка ёзда жамоани тарк этиши ҳақида эълон қилган эди. Футболчининг меҳнат шартномаси якунига етади ва у бошқа клубга бепул ўтиш имкониятига эга бўлади.
ОАВ маълумотларига кўра, айни дамда Горетцкага тўртта клуб даъвогарлик қилмоқда. «Милан», «Атлетико» ва «Галатасарой» футболчининг ҳолатини диққат билан кузатиб бормоқда. Бироқ ярим ҳимоячи учун курашда «Байер» фаворит бўлиб турибди.
Леверкузен клуби футболчига Бундеслигада қолиш ва юқори савияда тўп суришда давом этиш имкониятини таклиф қилмоқда. Қайд этилишича, Леон Горетцка ўз ватанида қолиш имкониятини ижобий баҳоламоқда.
