«Барселона» қанот ҳимоячиси Жерар Мартин қандай қилиб мудофаа марказида ўйнай бошлагани ҳақида сўзлаб берди.

«Эсимда, мавсумолди тайёргарлик вақтида Иньигода жароҳат билан боғлиқ муаммолар юзага келганди. Ўшанда Флик мени чап марказий ҳимоячи позициясида синаб кўрмоқчи эканлигини айтди. Шундан бери у мени бу позицияга ишонч билан туширадиган бўлди. Жорий мавсумда у ерда кўплаб ўйинларни ўтказдим», — дея Мартиннинг сўзларини келтиради «Barça Universal».

Жорий мавсумда 23 ёшли испаниялик футболчи барча турнирларда 34 марта майдонга тушди, бироқ бирорта ҳам самарали ҳаракатни амалга ошира олмади.

22 февраль куни «Барселона» ўз майдонида «Леванте»ни қабул қилади. Испания чемпионатининг 25-тур учрашуви Тошкент вақти билан соат 20:15 да бошланади.