«ПСЖ» ўзининг расмий сайтида футболчиларнинг соғлиғи борасида тиббий ҳисоботни эълон қилди. Унда Чемпионлар лигаси доирасидаги «Монако»га қарши ўйинда жароҳат олган ҳужумчи Усмон Дембеленинг ҳолати ҳақида маълумот берилган.
«Болдир мушакларида ноқулайлик сезгани сабабли, Дембеле яқин кунларда машғулотларни спорт залида давом эттиради», — дейилади парижликлар хабарида.
Шу тариқа, Дембеле Франция чемпионатининг шанба кунги баҳсини ўтказиб юборади — унда «ПСЖ» ўз майдонида «Мец»ни қабул қилади.
Шунингдек, ярим ҳимоячи Фабиан Руис якка тартибдаги машғулотларга қайтганини ҳам таъкидлаб ўтиш лозим.
Айни дамда «ПСЖ» Лига 1 турнир жадвалида иккинчи ўринда бормоқда ва пешқадам «Ланс»дан бир очко ортда қолмоқда.
