«Тоттенхэм»нинг янги тайинланган бош мураббийи Игор Тудор жамоасининг турнир жадвалидаги ҳолати ҳақида фикр билдирди.
Мутахассис Премьер-лигада жон сақлаб қолиш учун кураш ҳақидаги саволга жавоб берар экан, айни дамда жадвалдаги ўрин ҳеч қандай аҳамиятга эга эмаслигини таъкидлади.
«Агар сиз лигада жон сақлаб қолиш ёки бирор аниқ мақсад учун курашиш ҳақида ўйлай бошласангиз, бу ҳеч қандай натижа бермайди. Бу мақсадларнинг барчаси ҳали олисда. Мен ҳеч қачон уларга катта аҳамият бермайман ва натижалар ҳақида гапирмайман», — деди Тудор.
Шунингдек, мураббий «шпорлар» элитада ўз ўрнини сақлаб қолишига тўлиқ ишонишини билдирди.
Англия чемпионатининг 26 туридан сўнг, «Тоттенхэм» 29 очко билан турнир жадвалида 16-ўринда бормоқда.
