«Челси» клуби ўз трансфер мақсадларини янгилади. Бу ҳақда Fussball Daten нашри хабар бермоқда.

Қайд этилишича, «кўклар» Дортмунднинг «Боруссия» жамоаси ярим ҳимоячиси Феликс Нмечани сотиб олиш имкониятини кўриб чиқмоқда. Шунингдек, футболчига «Тоттенхэм» ҳам даъвогарлик қилмоқда. Лондоннинг иккала клуби ҳам мавсум якунига қадар хавбекнинг ўйинларини кузатиб боришади.

Жорий мавсумда Феликс Нмеча «Боруссия Дортмунд» сафида 34 та учрашувда майдонга тушди. Ушбу баҳсларда футболчи 5 та гол урди ва 3 та голли узатмани амалга оширди.