«Челси» ҳужумчиси Николас Жексон фаолиятини бошқа бир инглиз клубида давом эттириши мумкин. Ҳозирда у ижара асосида Мюнхеннинг «Бавария» жамоасида тўп сурмоқда.
Teamtalk журналистларининг маълумотларига кўра, 24 ёшли футболчини сотиб олишга «Тоттенхэм», «Манчестер Юнайтед», «Астон Вилла» ва «Ньюкасл» клублари қизиқиш билдирмоқда. Жексоннинг бозор қиймати 45 миллион еврога баҳоланмоқда. Николаснинг «кўклар» билан меҳнат шартномаси 2033 йилнинг ўрталаригача мўлжалланган.
Жорий мавсумда ҳужумчи 22 та учрашувда майдонга тушиб, ўз ҳисобига бешта гол ва битта голли узатмани ёздириб қўйди.
