Германия чемпионати 23-тури доирасидаги ўз майдонида ўтган баҳсда Мюнхеннинг "Бавария" клуби Франкфуртнинг "Айнтрахт" жамоаси устидан 3:2 ҳисобида ғалаба қозонди. Ушбу натижа ҳақида мезбонларнинг дубль қайд этган юлдузли ҳужумчиси Харри Кейн ўз фикрларини билдириб ўтди.
"Биз яхши ўйин ўтказдик ва ҳақли равишда уч очкони қўлга киритдик. Ҳимоядаги иккита хато вазиятни бир оз қийинлаштирди, бунга йўл қўймаслик мумкин эди. Аммо ғалаба — энг муҳими. Биз натижадан мамнунмиз ва бор эътиборимизни кейинги ўйинга қаратганмиз", — дея ҳужумчининг сўзларидан иқтибос келтирмоқда Мюнхен гранди матбуот хизмати.
Венсан Компани шогирдлари 60 очко билан Бундеслига турнир жадвалида ишонч билан пешқадамлик қилмоқда. "Бавария" навбатдаги учрашувни сафарда "Боруссия" (Дортмунд) жамоасига қарши ўтказади.
