Лондоннинг «Арсенал» клуби бош мураббийи Микель Артета Премьер-лига чемпионлиги учун кураш ҳақидаги саволга жавоб берди.

Якшанба куни «канонирлар» «Тоттенхэм»ни тор-мор этишди ва жадвалда иккинчи ўринда бораётган «Манчестер Сити» билан орадаги фарқни яна беш очкога етказишди. Шу билан бирга, «шаҳарликлар» ҳисобида битта захира ўйини мавжуд.

«Биз ўйиндан ўйинга қараб одимлаяпмиз. Олдинда узоқ йўл турибди, чунки бизни ҳали кубок баҳслари ва Чемпионлар лигаси кутмоқда. Олдимизда ҳақиқий марафон турибди, лекин келинг, бундан завқланайлик. Бугун биз тарихнинг янги саҳифасини ёзмоқчи эдик ва буни уддаладик», — деди Артета.

Келаётган якшанба, 1 март куни «Арсенал» ўз майдонида «Челси»ни қабул қилади.