«Барселона» ўнг қанот ҳимоячиси Жюль Кунде ярим ҳимоячи Педрининг жамоа учун қанчалик муҳимлиги ҳақида гапирди.

23 ёшли испаниялик футболчи жароҳатидан қутулиб, сафга қайтди. Ярим ҳимоячи Ла Лиганинг якшанба куни «Леванте»га қарши кечган баҳсида (3:0) 66-дақиқада захирадан майдонга тушди.

«Педри ҳамма нарсани ўзгартиради. Албатта, биз уни соғингандик. Ўйинимизнинг кўплаб фазалари айнан у орқали қурилади. Унинг йўқлиги доим сезилади — ҳатто ҳимояда ҳам», — дея Кунденинг сўзларини келтирмоқда «Газета.Ру» испан ОАВларига таяниб.

Педри «кўк-анорранглилар»нинг охирги еттита ўйинини ўтказиб юборган эди — улардан иккитаси мағлубият билан якунланган.

Ҳанс-Дитер Флик шогирдлари Мадриднинг «Реал» клубини бир очкога ортда қолдирган ҳолда, Ла Лига турнир жадвалида яна пешқадамлик қилмоқда.