"Барселона" президентлигига қайта номзодини қўяётган Жоан Лапорта Лионель Месси билан муносабатлари бузилганини тан олди.
"Месси билан муносабатлар аввалгидек эмас. "Олтин тўп" маросимида бир воқеа содир бўлди - мен унга салом бериш учун бордим, лекин у саломлашишимиз шарт эмас, деган қарорга келди. Ўшандан бери биз бироз яқинлашдик ва умид қиламизки, бу келажакда ҳам давом этади. Муносабатлар бузилган, аммо у "Барселона"нинг афсонасидир.
Лео ҳам Кройфф каби "Камп Ноу"да ҳайкалга лойиқ. У хайрлашув маросимига лойиқ. Биз буни стадион тўлиқ тайёр бўлганда ва 100 мингдан ортиқ томошабин йиғилганда амалга ошириш идеал деб ҳисоблаймиз. Умид қиламизки, бу мумкин бўлади", - деди Лапорта.
