"Barselona" prezidentligiga qayta nomzodini qo‘yayotgan Joan Laporta Lionel Messi bilan munosabatlari buzilganini tan oldi.

"Messi bilan munosabatlar avvalgidek emas. "Oltin to‘p" marosimida bir voqea sodir bo‘ldi - men unga salom berish uchun bordim, lekin u salomlashishimiz shart emas, degan qarorga keldi. O‘shandan beri biz biroz yaqinlashdik va umid qilamizki, bu kelajakda ham davom etadi. Munosabatlar buzilgan, ammo u "Barselona"ning afsonasidir.

Leo ham Kroyff kabi "Kamp Nou"da haykalga loyiq. U xayrlashuv marosimiga loyiq. Biz buni stadion to‘liq tayyor bo‘lganda va 100 mingdan ortiq tomoshabin yig‘ilganda amalga oshirish ideal deb hisoblaymiz. Umid qilamizki, bu mumkin bo‘ladi", - dedi Laporta.