"ПСЖ" дарвозабони Люка Шевалье Франция терма жамоасининг ЖЧ-2026 учун қайдномасидан маҳрум бўлиши мумкин, дея хабар бермоқда L’Equipe.
Манбага кўра, 24 ёшли посбон энди парижликлар сафида шубҳасиз биринчи рақамли дарвозабон эмас ва унинг ўйин вақти кескин қисқарган. 1 февралдан бошлаб "ПСЖ"нинг барча ўйинларида россиялик Матвей Сафонов асосий таркибда майдонга тушди.
Парижликлар бош мураббийи Луис Энрике 21 февраль куни Лига 1 доирасида "Мец"га қарши ўйинда Сафоновни яна майдонга туширди ва Шевальени захирада қолдирди. Вазият Франция терма жамоаси мураббийлар штабида хавотир уйғотди.
Нашр маълумотларига кўра, агар Шевалье вазиятни ўзгартирмаса, унинг март ойида АҚШда ўтказиладиган ўқув-машғулот йиғинига кириш имконияти жуда паст.
