«Монако» ҳужумчиси Магнес Аклиуш катта эҳтимол билан 25 февраль куни бўлиб ўтадиган Чемпионлар лигаси плей-офф босқичи доирасидаги «Пари Сен-Жермен»га қарши жавоб учрашувида майдонга туша олади. Бу ҳақда «L’Équipe» нашри хабар бермоқда.
Аввалроқ футболчи сонидан жароҳат олган эди. Жароҳат жиддий бўлмаса-да, у Лига 1 доирасидаги «Ланс»га қарши ўйинни (3:2) ўтказиб юборишга мажбур бўлди. Якшанба куни эса ҳужумчи одатий тартибда машғулот ўтказди, бу унинг парижликларга қарши бўлажак баҳсда иштирок этиши мумкинлигидан далолат беради. Жамоалар ўртасидаги дастлабки ўйин 3:2 ҳисобида «ПСЖ» фойдасига ҳал бўлган эди.
Жорий клуб мавсумида Аклиуш 32 та ўйинда майдонга тушиб, ўз ҳисобига 4 та гол ва 6 та голли узатмани ёздириб қўйди.
