«Барселона» президентлигига номзод ва клубнинг собиқ раҳбари Жоан Лапорта машҳур «Негрейра иши» бўйича берилган саволга жавоб қайтарди.

Эслатиб ўтамиз, 2023 йилда «Барселона» ва унинг раҳбариятига нисбатан Испания Қироллик футбол федерацияси (RFEF) Ҳакамлар техник қўмитаси (CTA) собиқ вице-президенти Хосе Мария Энрикес Негрейрага пора берганлик айблови қўйилган эди. Суд клуб томонидан 2001 йилдан 2018 йилгача бўлган даврда Негрейрага бир неча миллион евро тўланганини жиноят деб ҳисоблаган.

«Бу ҳакамлар бўйича маслаҳат хизматлари эди, ўша пайтларда бунга тўлиқ рухсат берилганди.

Баъзи томонларда ушбу жараённи чўзишдан манфаатдорлик бор, гарчи бу мақсадга мувофиқ бўлмаса ҳам. 72 йил давомида ҳакамлар бошлиқлари «Реал» сосьослари (аъзолари) ёки ходимлари бўлиб келишган», — деди Лапорта.