"Реал" ҳужумчиси Килиан Мбаппенинг март ойидаги ўйинлар учун Франция терма жамоасига чақирилмаслиги — ҳужумчининг тиззасидан олган жароҳатидан тўлиқ тикланиши ва қўшимча дам олиши учун кўрилаётган вариантлардан биридир. Бу ҳақда Onda Cero нашри ёзмоқда.
Бироқ, футболчининг АҚШ бўйлаб ташкил этиладиган кичик турне учун қайдномага киритилмаслиги амримаҳол. Чунки ушбу сафар Nike компанияси, Франция футбол федерацияси ва Мбаппенинг шахсий ҳомийлари кўмагида ташкил этилган.
27 ёшли Килиан жорий мавсумда жами 33 та ўйинда 38 та гол урган ва 6 та голли узатма амалга оширган.
