«Барселона»нинг афсонавий собиқ ярим ҳимоячиси Андрес Иньеста жамоанинг порлаётган юлдузи Ламин Ямалнинг келажаги борасида ўз фикрлари билан ўртоқлашди.
«Ламин Ямал учун «Олтин тўп»? Бу унинг ўсишда давом этишига боғлиқ. У улкан истеъдод соҳиби ва энг муҳими, унда мана шу истеъдодга мос меҳнатсеварлик ҳам бор», — деди Иньеста.
«Ҳар қандай ёш ўйинчи учун бундай даражага чиқиш катта чақириқ ҳисобланади, бироқ унда бунга эришиш учун барча сифатлар мавжуд. Умид қиламанки, у ўз йўлида давом этади ва ривожланишдан тўхтамайди. Чунки унинг борлиги ҳам «Барса» мухлислари, ҳам умуман испан футболи ишқибозлари учун ижобий ҳолатдир. Унинг яқин йиллардаги ўсишини кузатиш жуда ҳаяжонли бўлади».
