«Рома» Пауло Дибала билан маоши камайтирилган ҳолда шартномани узайтириш имкониятини кўриб чиқмоқда. Шу билан бирга, 32 ёшли аргентиналик футболчининг вакиллари «Бока Хуниорс» клуби билан доимий алоқада бўлиб турибди.
Дибала ва «Рома» ўртасидаги музокаралар ҳозирча олдинга силжиган йўқ, чунки футболчи фаолиятини давом эттириш вариантларини баҳоламоқда, клуб эса уни таркибда олиб қолиш мақсадга мувофиқми ёки йўқлигини тушунишга ҳаракат қилмоқда. Инсайдер Маттео Мореттонинг таъкидлашича, Дибала «Рома» либосидаги сўнгги ойларини ўтказаётган бўлиши мумкинлиги ҳақида тахминлар бор, бироқ якуний қарор ҳали қабул қилинмаган.
Дибаланинг амалдаги шартномаси 2026 йилнинг июнигача мўлжалланган. Ушбу мавсумда у Италия клуби сафида 22 та ўйинда майдонга тушиб, 3 та гол урди ва 3 та голли узатмани амалга оширди.
