ЦСКА "Барселона", "Ливерпуль" ва "Бавария" клубларининг собиқ ярим ҳимоячиси Филиппе Коутиньони сотиб олиш вариантини кўриб чиқмоқда. Бу ҳақда "Спорт-экспресс" хабар бермоқда.
Аввалроқ, 33 ёшли футболчи "Васко да Гама" билан шартномани муддатидан олдин бекор қилган эди. Айни дамда Коутиньо эркин агент мақомида.
Бразилиялик яримҳимоячи клубдаги фаолиятида "Ливерпуль" сафида 201та ўйин ўтказган. Ушбу учрашувларда у 54 та гол ва 44 та голли узатмани амалга оширди. Transfermarkt порталида келтирилган маълумотларга кўра, 33 ёшли хавбекнинг трансфер нархи 3,5 млн еврони ташкил қилмоқда.













