"Манчестер Юнайтед" ҳужумчиси Жошуа Зиркзее жамоадошларидан қайси бири уни энг кўп ҳайратда қолдирганини айтиб берди.
Нидерландиялик футболчи чап қанот ҳимоячиси Люк Шоуни алоҳида таъкидлади, у йиллар давомида жароҳатсиз биринчи тўлиқ мавсумини ўтказмоқда.
"Ўтган мавсумда Шоу шунчалик кўп жароҳат олган эдики, мен у билан деярли ўйнамаганман, уни ҳар куни кўрмаганман.
Мен унинг олдин яхши эканлигини билардим, лекин у билан мунтазам равишда машғулотларни бошлаганимда, буни янада аниқроқ англадим", - дея Зиркзеенинг сўзларидан иқтибос келтиради Centredevils.
