Руминиялик мутахассис Кристиан Киву Миланнинг "Интер" клуби билан шартномасини 2028 йилгача узайтиради ва яна бир йилга узайтириши мумкин, деб ёзади таниқли инсайдер Николо Скира Х ижтимоий тармоғида. Манбага кўра, Кивунинг маоши оширилади.
Киву "қора-кўклар"ни 2025 йил июнь ойида бошқарган. Илгари у "Парма" ва "Интер"нинг ёшлар жамоаларида ишлаган. Кеча, 24 февраль куни италияликлар УЕФА Чемпионлар Лигаси плей-офф босқичининг жавоб ўйинида Норвегиянинг "Буде-Глимт" жамоасига мағлуб бўлди ва турнирдаги иштирокини якунлади.
Кристиан Киву 45 ёшда. Футболчилик фаолияти давомида у "Интер", "Рома", "Аякс" ва "Решица" клубларида ўйнашга муваффақ бўлган.
