Испаниянинг машҳур «Mundo Deportivo» нашри «Барселона» президентлигига сайловлар арафасида ўз сўровномасини ўтказди.

500 нафар респондент иштирок этган тадқиқот натижаларига кўра, «Барселона»нинг амалдаги президенти Жуан Лапорта 58,66% кўрсаткич билан етакчилик қилмоқда. Аввалги сайловларда уни сайловчиларнинг 60 фоиздан ортиғи қўллаб-қувватлаган эди. Айни дамда у ўз рақобатчиларини сезиларли даражада ортда қолдирмоқда: Виктор Фонт (20,33%), Марк Сирия (7,33%) ва Хави Вилахоана (1,33%).

Шунингдек, ҳали бир қарорга келмаган сайловчилар сони ҳам анчагина — 12,33% ни ташкил этмоқда.

«Барселона» президентини сайлаш куни 2026 йил 15 март, якшанба кунига белгиланган.

Эслатиб ўтамиз, Жуан Лапорта 2021 йилнинг мартидан буён клуб президенти ҳисобланади. Бунгача у 2003 йилдан 2010 йилгача ҳам клубни бошқарган.