«Барселона» сардори Рафинья Испания Кубоги ярим финали доирасидаги «Атлетико Мадрид»га қарши жавоб ўйини олдидан ўз фикрларини билдирди.
Биринчи учрашувдаги 0:4 ҳисобидаги мағлубиятга қарамай, бразилиялик вингер жамоасининг кейинги босқичга чиқишига ишонмоқда.
«Биз ажойиб ўйин кўрсата олишимизга ишонамиз. Агар қайсидир жамоа бундай вазиятдан чиқиб кета олса, бу бизмиз», — деди Рафинья клубнинг YouTube каналидаги мулоқот чоғида.
У «Камп Ноу»даги баҳс жуда қийин бўлишини тан олса-да, жамоа ушбу «камбэк» учун руҳан тайёр эканини таъкидлади.
