«Барселона» вингери Рафинья жароҳатлар ва кам ўйин амалиёти билан боғлиқ қийинчиликлардан сўнг ўз формасини тиклаб олаётганини таъкидлади.
Клубнинг YouTube каналидаги мулоқотда у жароҳатлар футболчи учун руҳий жиҳатдан жуда оғир зарба эканини тан олди.
«Мен қийин даврларни бошдан кечирдим. Жароҳатлар жуда оғир, баъзан нима учун бундай бўлганини тушунтириб ҳам бўлмайди. Аммо ҳозир ўзимни ҳам руҳан, ҳам жисмонан яхши ҳис қиляпман», — деди 29 ёшли футболчи.
Ўтган мавсумда 60 та голда иштирок этган бразилиялик юлдуз, бу йил 13 та ўйинни ўтказиб юборган бўлса-да, яна аввалги даражасига чиқишга яқин эканини қўшимча қилди.
