«Реал» мухлислари «Сантьяго Бернабеу» стадионида Чемпионлар лигаси ўтиш босқичи доирасидаги «Бенфика»га қарши жавоб ўйини олдидан «Ирқчиликка йўқ» ёзувли баннерни намойиш этишди.
Эслатиб ўтамиз, Португалияда бўлиб ўтган илк учрашувда «Реал» 1:0 ҳисобида ғалаба қозонган эди. Ўша ўйиннинг иккинчи бўлимида мадридликлар вингери Винисиус Жуниор ҳакам Франсуа Летексьега Жанлука Престианни оғзини либоси билан тўсган ҳолда уни «маймун» деб атаганини айтганди. «Бургутлар» вингери кейинчалик бразилиялик футболчини ирқий мансублиги бўйича ҳақорат қилмаганини даъво қилди. УЕФА аргентиналик футболчини вақтинчалик четлатди ва у бугунги баҳсни ўтказиб юбормоқда.
