"Барселона" ҳимоячиси Эрик Гарсия жамоанинг сўнгги натижалари ҳақида ўз фикрлари билан ўртоқлашди.
"Биз тез-тез ғалаба қозонишга ўрганиб қолганмиз. Кетма-кет иккита муваффақиятсиз натижа қайд этилганда, таҳлил қилиш вақти келади. Ўйлайманки, бу бизга мавсумнинг финиш чизиғида янада кучли бўлишимизга ёрдам беради. Биз лигада пешқадамликни қайтариб олдик ва мен ҳали ҳам кубокда вазиятни ўнглай олишимизга ишонаман. Шундан сўнг бизни Чемпионлар лигасининг ҳаяжонли босқичлари кутмоқда", — дея Гарсиянинг сўзларини келтиради Barca Universal.
Эслатиб ўтамиз, аввалроқ "Барселона" Испания Кубогининг дастлабки ярим финал учрашувида "Атлетико"га 0:4 ҳисобида имкониятни бой берган, шундан сўнг Ла Лигада "Жирона"га (1:2) мағлуб бўлган эди. Бироқ, ўтган турда "кўк-анорранглилар" "Леванте"ни ишончли тарзда мағлуб этишди (3:0) ва чемпионатда биринчи ўринга қайтишди.
