«Барселона» ҳимоячиси Эрик Гарсия жамоанинг ўйин услуби ҳақида ўз фикрлари билан ўртоқлашди.

«Мен бизнинг ғоямизга ва футболимизга қаттиқ ишонаман. Менимча, биз энг зўримиз. Албатта, буни майдонда исботлашимиз керак, аммо биз Чемпионлар лигасида ва қолган барча совринлар учун ғалаба қозонишга қодир эканимизга ишончим комил», — дея Гарсиянинг сўзларидан иқтибос келтирмоқда «Barça Universal».

25-турдан сўнг «Барселона» Испания Ла Лигаси турнир жадвалида 61 очко билан пешқадамлик қилмоқда. Иккинчи ўринда бораётган «Реал» билан фарқ бир очкони ташкил этади.

Шанба куни, 28 февраль куни каталонияликлар ўз майдонларида «Вильярреал»ни қабул қилишади. Испания чемпионатининг 26-туридан ўрин олган ушбу ўйин Тошкент вақти билан соат 20:15 да бошланади.