Саудиянинг "Ан-Наср" клуби ва Португалия терма жамоаси ҳужумчиси Криштиану Роналду Испаниянинг "Альмерия" клуби акцияларининг 25 фоизини сотиб олди. Бу ҳақда X ижтимоий тармоғидаги The Touchline нашри хабар берди.
"Футболга нафақат майдонда, балки ундан ташқарида ҳам ўз ҳиссамни қўшишни анчадан бери орзу қилардим. "Альмерия" — мустаҳкам пойдеворга ва ўсиш учун аниқ салоҳиятга эга бўлган Испания клуби. Мен клуб ривожланишининг кейинги босқичини қўллаб-қувватлаш учун раҳбарият билан биргаликда ишлаш имкониятини интиқлик билан кутяпман", — дея Роналдунинг сўзларини келтиради журналист Бен Жейкобс ўзининг X ижтимоий тармоғидаги саҳифасида.
"Альмерия" 2025/2026 йилги мавсум Сегунда турнир жадвалида учинчи ўринни эгаллаб турибди. Жамоа 27 та ўйинда 48 очко жамғарган. Биринчи ўринда эса худди шунча ўйиндан сўнг 50 очко тўплаган "Расинг" бормоқда.
