Туркиянинг "Фенербахче" жамоаси бош мураббийи Доменико Тедеско Европа Лигаси доирасида Англиянинг "Ноттингем Форест" клубига қарши бўлиб ўтадиган жавоб ўйини ҳақида фикр билдирди. Учрашув бугун, 26 февраль куни бўлиб ўтади. Биринчи ўйинда "Фенербахче" ўз уйида 0:3 ҳисобида мағлуб бўлган эди.
"Биз учун ҳали ҳеч нарса тугагани йўқ. Биз Англияга қатъият ва у ерда мўъжиза яратиш истаги билан кетяпмиз. Жароҳатлар билан боғлиқ вазият ёмон, лекин менинг ишим — ечим топишдан иборат. Мен босим ва кучланишни енгиб ўта оламан, лекин бу футболчиларимга оғирлик қилишини истамайман. Мен жамоага жуда ишонаман. Ҳар бир ўйинчи бор кучини беради", — дея Тедесконинг сўзларини УЕФА расмий сайти келтиради.
