"Манчестер Юнайтед" афсонаси Стив Брюснинг фикрича, ҳужумчи Беньямин Шешко захирадан тушиб ўйинга кўрсатган таъсиридан сўнг, Майкл Кэррик олдида қийин танлов турибди.

"talkSPORT" эфирида чиқиш қилган Брюс шундай деди: "Тўғрисини айтсам, у гол урган вазиятидан ташқари тўпга деярли тегмади деб ўйлайман.

Аммо Майкл учун энди шундай жумбоқ пайдо бўлди: уни қандай қилиб асосий таркибга киритсам экан?

Уни таркибда қолдираманми? Ўйинни асосий таркибда бошлайдими? Бу катта қарор, лекин айни дамда жамоадаги ҳеч нарсани ўзгартиришни истамаган бўлардингиз.

Агар у майдонга тушишда давом этса, ўзи тетик бўлса-ю, бошқалар чарчаган бўлса, демак, унда гол уриш қобилияти бор. Шуни айтишим керакки, у ажойиб гол урди, ҳақиқатан ҳам ажойиб якун бўлди".