"Милан", "Интер" ва бошқа клубларнинг собиқ ярим ҳимоячиси Кларенс Зеедорф Уэстон Маккеннининг ўйинини юқори баҳолади.
"Ювентус" ярим ҳимоячиси Чемпионлар лигаси плей-офф босқичи саралаш раундининг "Галатасарой"га қарши жавоб учрашувида (3:2) 82-дақиқада гол урди.
"Мен унда фаолиятимнинг бошланғич босқичидаги ўзимни кўряпман. Унда ажойиб ярим ҳимоячи учун керак бўлган ҳамма нарса бор: тактик саводхонлик ва ҳужумда очилишга тайёрлик, лекин энг муҳими — ўйиннинг ҳар иккала фазасида ҳам юқори сифат", — деди Зеедорф.













