«Ноттингем Форест» бош мураббийи Витор Перейра Европа Лигаси плей-офф босқичи жавоб ўйинида «Фенербахче»дан қабул қилинган мағлубият (1:2) ҳақида ўз фикрларини билдирди.

"Фенербахче“ биринчи голни урганида, бизда ишонч бироз йўқолди. Иккинчи бўлим бошидаги пенальтидан сўнг эса ўз даражамизда ўйнай бошладик — тўпни назорат қилдик ва юқори тезликда вазиятлар яратдик. Умид қиламанки, 1/8 финалда бизга кучли рақиб тушади. Бу босқичда кучсиз жамоанинг ўзи йўқ. Биз муносиб тайёргарлик кўришимиз ва олдинга ҳаракат қилишимиз керак", — дея Перейранинг сўзларидан иқтибос келтирмоқда УEФА матбуот хизмати.

Эслатиб ўтамиз, «Ноттингем Форест» дастлабки баҳсда 3:0 ҳисобида ғалаба қозонгани сабабли Европа Лигасининг 1/8 финалига йўл олди. У ерда жамоа «Бетис» ёки «Мидтьюлланд»га қарши майдонга тушади. Қуръа ташлаш маросими жума куни, 27 февралда бўлиб ўтади.