Аргентиналик мутахассис Мартин Демикелис Испания чемпионатида иш бошлади. У «Мальорка» жамоаси бош мураббийи этиб тайинланди.
Клуб матбуот хизмати хабарига кўра, томонлар 2025/2026 йилги мавсум якунига қадар мўлжалланган қисқа муддатли шартнома имзоладилар. Келишувда шартномани яна бир мавсумга узайтириш имконияти ҳам кўзда тутилган.
Демикелиснинг Испанияга келишидан олдинги охирги иш жойи Мексиканинг «Монтеррей» клуби эди. Мураббий ўтган йили ушбу жамоани тарк этганди.
Испания Ла Лигасининг жорий мавсумида «Мальорка» лигада жон сақлаб қолиш учун курашмоқда. Ўтказилган 25 турдан сўнг жамоа 24 очко жамғарган ҳолда турнир жадвалининг 18-поғонасида бормоқда.
