"Ливерпуль" бош мураббийи Арне Слот жамоа дарвозабони Алиссон ҳақида ўз фикрларини билдирди.
"Идеал дунёда дарвозабоннинг кераги бўлмасди, чунки сиз жуда яхши ҳимояланган бўлардингиз. Аммо агар у барибир керак бўлса, сафимизда ажойиб дарвозабон борлиги биз учун муҳим. Алиссон бу ерда етти йилдан бери ўйнамоқда. Бизда нафақат у, балки биринчи рақам бўла оладиган Мамардашвили ҳам бор. Унгача эса Келлехер бор эди. Бироқ Алиссон ҳар доим биринчи рақам бўлиб қолди. Бу унинг қанчалик маҳоратли эканидан далолат беради, чунки у аввал Келлехерни, энди эса Мамардашвилини ҳам захирада қолдира олмоқда", — деди Слот журналистларга.
Шанба куни, 28 февраль куни "Ливерпуль" Премьер-лига доирасида ўз майдонида "Вест Хэм"ни қабул қилади.
