Ўтган дам олиш кунлари Англия Премьер-лигасида "Тоттенхэм" ва "Арсенал" жамоалари ўртасида Шимолий Лондон дербиси бўлиб ўтди. "Канонирлар" рақиб майдонида 4:1 ҳисобидаги йирик ғалабани қўлга киритди. "Арсенал"нинг собиқ юлдузи Тьерри Анри "шпорлар"нинг ўз уйидаги муваффақиятсиз ўйинларига ишора қилиб, уларнинг устидан ҳазил қилди.
"Тоттенхэм" янги стадионга кўчиб ўтганидан бери, у ерда ўйнаш қачон қийин бўлган? Одамлар бу ўйинни "Арсенал" учун қийин бўлишини исташганди, аммо билишимча, "Арсенал" у ерда тез-тез ғалаба қозониб туради", — деди Анри Betway нашрига.
Таъкидлаб ўтиш жоизки, ҳозирда "Тоттенхэм" Премьер-лига турнир жадвалида 16-ўринни эгаллаб турибди. "Арсенал" эса пешқадамлик қилмоқда.
