Франциянинг «ПСЖ» клуби бош мураббийи Луис Энрике жамоанинг россиялик дарвозабони Матвей Сафонов ҳақида ўз фикрлари билан ўртоқлашди.

«Сафонов — юқори даражадаги дарвозабон, Россия терма жамоаси посбони. Унда жаҳон даражасидаги топ-дарвозабон бўлиш учун барча жисмоний ва техник маълумотлар мавжуд. У оёқлари билан яхши ўйнайди ва бу бизга ёқади. У жасур ва жисмонан жуда бақувват. Бизнинг жамоамиз рақиблар учун катта бўшлиқ қолдирган ҳолда ҳимояланади, бу эса дарвозамиз олдида жиддий хавфларни юзага келтиради. Аммо Сафонов бизнинг ўйин услубимизга идеал даражада мос келади. У асосий дарвозабон бўлган пайтида ҳам, захира посбони ҳисобланган пайтида ҳам ажойиб ўйин кўрсатди», — дея Энрикенинг сўзларини келтиради RMC Sport.

«ПСЖ» навбатдаги ўйинини шанба куни, 28 февраль куни сафарда «Гавр»га қарши ўтказади.

Жорий мавсумда 27 ёшли Матвей Сафонов парижликлар сафида 11 та ўйин ўтказиб, 12 та гол ўтказиб юборди ва 4 та ўйинда дарвозаси дахлсизлигини сақлаб қолди.