Мюнхеннинг «Бавария» клуби ва Германия терма жамоаси ярим ҳимоячиси Александр Павлович 21 ёшидаёқ жамоанинг асосий ўйинчиларидан бирига айланиб улгурди. У ўз муваффақиятли ўйинларининг сирини оддий тушунтиради — маълум бўлишича, Павлович Криштиану Роналдуни ўзига намуна деб билади.
«Криштиану мен учун ҳар жабҳада идеал ва намунадир. Унинг майда деталларгача бўлган ўта синчковлик билан ёндашуви, жисмоний тайёргарлиги, интизоми — буларнинг барчаси мен учун муваффақиятга эришиш йўлида ўзини қандай тайёрлаш кераклиги борасида спорт маёғига айланди», — дея Павловичнинг сўзларини келтиради derbyderbyderby.it.
Павлович 2023 йилдан бери «Бавария»нинг асосий таркибида ҳаракат қилиб келмоқда.
