Баҳорнинг илк оқшомида "Арсенал" ва "Челси" Премьер-лига доирасида тўқнаш келишади. "Канонирлар" охирги марта "пенсионерлар"га 2021 йилнинг августида имкониятни бой беришган эди. "Челси"га қарши ўтказилган сўнгги 10 та ўйинда "Арсенал" 7 та ғалаба ва 3 та дуранг қайд этган.

Матбуот анжуманида Микель Артетага ушбу муваффақиятли серия ҳақида савол берилди.

"Ҳамма гап тайёргарликда. У майдонга ғалабага бўлган ишонч билан тушиш учун ўзига хос ишонч ва тўғри эмоционал ҳолат бағишлайди. Кейин эса шунчаки буни амалга ошириш керак.

"Челси" бизга қарши ўйинларда турлича ҳаракат қилган. Улар ўйин давомида ҳам ёндашувни ўзгартира олишади. Уларда бунга мослаша оладиган мураббий ва футболчилар бор. Биз тайёр бўламиз ва улардан яхшироқ бўлишга ҳаракат қиламиз. Икки ҳафта ёки икки йил олдин нима бўлгани энди муҳим эмас", — деди Артета.

"Арсенал" — "Челси" учрашуви 1 март куни Тошкент вақти билан 21:30да бошланади.