"Монако" ярим ҳимоячи Поль Погба билан ёзги трансфер ойнасида хайрлашиши мумкин. Футболчи 2025 йилнинг декабрь ойидан бери майдонга тушмаяпти.

Эслатиб ўтамиз, 2025/2026 йилги мавсумда Погба бор-йўғи учта ўйинда иштирок этди ва уларда самарали ҳаракатлари билан ажралиб турмади. Унинг монегасклар билан тузган шартномаси 2026 йилнинг 30 июнига қадар мўлжалланган.

32 ёшли футболчининг бозор қиймати 5 миллион еврони ташкил этади. У дисквалификация сабабли 1,5 йил давомида ҳеч қаерда ўйнамаган эди.

Жаҳон чемпиони 2025 йилнинг ёзида "Монако"га келиб қўшилган ва шартнома имзолаётган вақтда кўзёш тўккан эди. Айни дамда ўйинчи жароҳат олган ва майдонга туша олмайди.

Инсайдер Николо Скиранинг хабар беришича, клуб футболчининг жамоадан кетиши вариантини кўриб чиқмоқда.