"Астон Вилла" ҳужумчиси Морган Роджерс Англия чемпионатининг 28-турида "Вулверхэмптон"дан қабул қилинган мағлубиятга (0:2) муносабат билдирди.

"Жуда хафаман. Вазиятлар яратиш ва гол уриш учун етарлича ҳаракат қилмадик. Ўйиннинг айрим қисмларини назорат қилдик, ҳаммаси ҳам ёмон эмас эди, лекин вазиятлар яратишда оқсадик.

Жадвалдаги ўрнимиз бизга босим ўтказяптими? Ҳа, лекин бундай бўлмаслиги керак. Биз турнир жадвалида муносиб тарзда юқори ўринда турибмиз ва буни унутмаслигимиз лозим. Охирги ўйинлар сериямиз одатдагидек яхши эмас, лекин бу — АПЛдаги кураш. Биз ғалабали сериямизга қайтиш ниятидамиз. Жароҳатлар — бу баҳона бўлолмайди. Биз ҳар бир ўйинда ғалаба қозонишга интиламиз ва ҳали ҳам турнир жадвалида учинчи ўриндамиз. Бу биз бўлишни истаган жой. Биз ўз олдимизга юқори мақсадларни қўйганмиз ва ҳар бир ўйинда ғалаба қозонишга қодирмиз", — дея Роджерснинг сўзларини келтиради BBC.

"Вулверхэмптон" 3 январдан бери АПЛдаги илк ғалабасини қўлга киритди ва 13 очко билан турнир жадвалида сўнгги ўринни эгаллаб турибди. "Астон Вилла" эса 51 очко билан 3-поғонада бормоқда.