"Манчестер Юнайтед" бош мураббийи Майкл Кэррик жароҳатланган футболчиларнинг ҳолати ҳақида сўзлаб берди.
Якшанба куни "қизил иблислар" Премьер-лиганинг 28-тури доирасида ўз майдонларида "Кристал Пэлас"ни қабул қилишади.
"Патрик [Доргу]нинг тикланиш жараёни яхши кетмоқда, аммо унинг ҳолатида ҳали бир неча ҳафта керак бўлади. Лича [Лисандро Мартинес] эса қайтишга анча яқин — бу бир неча кунлик масала. Яқин вақт ичида унинг ҳолатини кузатиб борамиз", — деди Кэррик матбуот анжуманида жамоадаги жароҳатлар борасидаги саволга жавобан.
Эслатиб ўтамиз, "Манчестер Юнайтед" айни дамда 48 очко билан турнир жадвалида тўртинчи ўринни эгаллаб турибди. Майкл Каррик январь ойида ишдан бўшатилган Рубен Аморимнинг ўрнини эгаллаб, ўз лавозимига киришган эди.
