Мадриднинг "Реал" клуби ярим ҳимоячиси Жуд Беллингемнинг Англия терма жамоасидаги истиқболлари ноаниқлигича қолмоқда.
22 ёшли футболчи февраль ойи бошида "Райо Вальекано"га қарши ўйинда олган жиддий жароҳати сабабли сафдан чиққан эди. "MatchDay Central" нашрининг хабарига кўра, "уч шерлар" бош мураббийи Томас Тухель Беллингемни шу йилнинг июнь-июль ойларида АҚШ, Канада ва Мексикада бўлиб ўтадиган Жаҳон чемпионати қайдномасига киритмаслиги мумкин.
Германиялик мутахассис агар "Реал" юлдузи турнир бошланишига қадар энг яхши жисмоний ҳолатга кира олмаса, унинг номзодидан воз кечишга тайёр. Мураббийлар штабининг принципи шундай: мундиалга футболчининг обрўсидан қатъи назар, фақат идеал даражада тайёр бўлган ўйинчилар йўл олади.
Эслатиб ўтамиз, Беллингем ҳозирда тикланиш жараёнини ўтамоқда ва унинг март ойидаги Уругвай ҳамда Японияга қарши ўртоқлик учрашувларини ўтказиб юбориши деярли аниқ бўлиб улгурган.
