Ханс-Дитер Флик "Барселона" бош мураббийи сифатида ўзининг 100-ўйинини ўтказди. Бугун Каталония жамоаси Ла Лиганинг 26-тури доирасида "Вильярреал"ни 4:1 ҳисобида мағлуб этди.
Германиялик мураббий қўл остида "Барса" 75 та ғалабага эришди, 9 бор дуранг ўйнади ва 16 марта мағлубиятга учради. Жамоа рақиблар дарвозасига 281 та тўп киритиб, ўз дарвозасидан 119 та гол олиб чиқди.
Флик даврида "Барселона" сафида энг кўп ўйин ўтказган футболчилар: Жюль Кунде (92 та ўйин), Пау Кубарси (90 та) ва Ламин Ямал (89 та).
Флик бошқарувида "Барселона" учун энг кўп гол киритган футболчилар: Роберт Левандовски (56 та), Рафинья (48 та), Ламин Ямаль (36 та) ва Ферран Торрес (35 та).
