"Бавария" бош мураббийи Венсан Компани асосий рақобатчи Дортмунднинг "Боруссия" жамоаси устидан қозонилган ғалабадан (3:2) сўнг, жамоанинг турнир жадвалидаги ҳолати ҳақида ўз фикрини билдирди.
Мюнхенликлар Дортмундда зафар қучиб, чемпионат тугашига ўнта тур қолганида "арилар" билан орадаги фарқни 11 очкогача оширишди. Журналистлар бельгиялик мураббийдан жамоа энди ички чемпионатда бироз бўшашиб, бор эътиборини Чемпионлар лигасига қаратиши мумкинми? деб сўрашди.
"Ҳозир устунлигимиз 11 очкони ташкил этмоқда, биз 88 та гол урдик. Нима учун тўхташимиз керак? Тўлиқ куч билан ишлашда давом этамиз", – дея таъкидлади Компани ўйиндан кейинги интервьюсида.
6 март куни "Бавария" ўз майдонида Мёнхенгладбахнинг "Боруссия" жамоасини қабул қилади, 10 март куни эса Чемпионлар лигаси 1/8 финалининг илк баҳсида "Аталанта" билан тўқнаш келади.
