Ҳозирда ижара асосида «Бавария»да тўп сураётган «Челси» ҳужумчиси Николас Жексон фаолиятини Саудия Арабистонида давом эттириши мумкин.
Chelsea.News нашрининг маълумотларига кўра, сенегаллик футболчини ўз сафига қўшиб олишга асосий даъвогар «Ал-Аҳли» клуби бўлиб турибди. Шунингдек, форвард атрофидаги вазиятни Италия, Испания ва Англия клублари ҳам диққат билан кузатиб боришмоқда.
«Бавария» Николас Жексонни 2025 йилнинг сентябрида «Челси»дан жорий мавсум якунига қадар 16 миллион евро эвазига ижарага олган эди. Келишувга футболчини 65 миллион еврога сотиб олиш ҳуқуқи ҳам киритилган. Жорий мавсумда сенегаллик ҳужумчи Мюнхен клуби сафида барча турнирларда 22 та ўйинда майдонга тушиб, 5 та гол урди ва битта голли узатмани амалга оширди.
