"Манчестер Юнайтед" ярим ҳимоячиси Бруну Фернандеш бир мавсумда АПЛда амалга оширилган голли узатмалар сони бўйича клуб тарихида учинчи ўринга кўтарилиб олди.
Португалиялик футболчи Англия чемпионатининг 28-тури доирасида "Кристал Пэлас"га қарши кечган ўйинда (2:1) Беньямин Шешкога голли пас етказиб берди.
Ҳозирда Бруну ҳисобида АПЛ жорий мавсумининг 25 та ўйинида 13 та ассист мавжуд — "МЮ"нинг бирор бир ўйинчиси 2011/12 йилги мавсумдаги Антонио Валенсиядан бери бундай натижага эриша олмаган эди. Премьер-лиганинг битта мавсумида "МЮ" таркибида фақат Нани (2010/11 йилги мавсумда 17 та ассист) ва Дэвид Бекхэм (1999/00 йилги мавсумда 16 та узатма) кўпроқ голли пас беришган.
Бруну АПЛ жорий мавсумининг энг яхши ассистенти бўлиб турибди. Унинг энг яқин таъқибчилари — "Манчестер Сити" аъзолари Эрлинг Холанд ва Райан Шерки ҳисобида 7 тадан голли узатма бор.
