Италия чемпионатида 27-тур ўйинлари бўлиб ўтмоқда. "Милан" учрашувнинг сўнгги дақиқаларида иккита гол уриб, "Кремонезе"ни қийинчилик билан мағлуб этди. Ўйин воқеаларига голлардан бирининг муаллифи — сербиялик ҳимоячи Страхинья Павлович изоҳ берди.
"Қийин ўйин бўлди, лекин биз уч очкони қўлга киритдик. Ўз ўйинимдан ва умуман мавсумдан мамнунман. Мураббий билан тил топишиб кетдик", — дея Павловичнинг сўзларидан иқтибос келтирмоқда "pianetamilan.it" нашри.
Ушбу ғалаба "россонери"га Италия Серия А турнир жадвалида иккинчи ўринни сақлаб қолиш имконини берди.
