ChronicleLive нашри хабарига кўра, "Челси" "Ал-Ҳилол"нинг уругвайлик ҳужумчиси Дарвин Нуньесни ўз сафига қўшиб олиш борасида "Ньюкасл Юнайтед" билан рақобатга киришди.
Нуньес жорий мавсумдаги 24 та ўйинда 9 та гол урди ва 5 та голли узатмани амалга оширди. Бироқ, Карим Бензема трансферидан сўнг, Саудия Про Лигасидаги 8 та легионер лимити туфайли у ички чемпионат қайдномасидан чиқариб ташланди. Эндиликда у фақат ОФК Чемпионлар лигасида иштирок этмоқда.
"Ливерпуль"нинг собиқ форварди ёзда Саудия Арабистонини тарк этиши мумкин ва у айнан АПЛга қайтишни афзал кўрмоқда. "Ньюкасл" ҳужум чизиғини яқинда Ник Вольтемаде ва Йоан Висса билан кучайтирган бўлса-да, уругвайлик футболчига бўлган қизиқишни сақлаб қолмоқда.
